1. Xaqiiqda dhabta ah ee sugan [1]!

2. Waa maxay xaqiiqda dhabta ahi?!

3. Maxaad ka og tahay waxay tahay xaqiiqdaa dhabta ahi ee sugan?!

4. Thamuud iyo Caadba waxay beeniyeen (Qalbi) Garaacdada (Maalinta Qiyaame).

5. Ma Thamuud, waxaa lagu halaagay Qeylo Daran [2].

6. Caad se, waxaa lagu halaagay dabeyl daran oo qabow badan.

7. (Alle) uu ku salliday toddoba habeen iyo siddeed maalmood oo xidhiidh ah; sidaas darteed waxaad arki lahayd dadkiiyoo halkaas u daadsan af gambi la moodo jirrido timreed dhacay.

8. Ee ma aragtaa wax ka hadhay?

9. Fircoon iyo kuwii ka horreeyey iyo magalooyinkii la rogay [3] waxay joogto ula yimaadeen gefaf weyn.

10. Waxay caasiyeen Rasuulkii Rabbigood, markaasuu (Alle) qabtay 'ciqaabay' qabasho 'ciqaab' daran.

11. Markay biyihii xad dhaafeen waxaan idinku qaadnay (dadow) Doonidii (uu sameeyey Nuux).

12. Si aan idiinkaga dhigno waano, oo una xafiddo dheg wax maqasha oo u fahanto.

13. Ee marka Buunka (Qiyaame) la afuufo afuufid keliya (afuufka hore),

14. Dhulka iyo buurahana laga rujiyo meelahooda, oo la baduugo baduugid mar keliya ah.

15. Maalintaa bay Dhacdada (Weyn) dhici (Qiyaamada).

16. Samadu Maalintaa u kala dillaaci gaballo, marka waxay ahaan mid jilicsan.

17. Malaa’igtu waxay ahaan agagaar- keeda, waxaana ku xambaari Carshiga Rabbigaa korkooda Maalintaas siddeed (saf oo malaa'g ah).

18. Maalintaas waa la idin soo bandhigi, ma jirto sir aad leedihiin oo qarsoonaan.

19. Kan laga siiyo kitaabkiisa gacantiisa midig, wuxuu odhan: Waa kane, akhriya kitaabkeyga.

20. Anigu waan hubay inaan la kulmi Xisaabteyda.

21. Marka wuxuu kaasi ku noolaan nolol farxad iyo raallinnimo leh.

22. Beer sare gudaheed ah (Janno),

23. Midhaheedu (goosasho iyo) gurasho dhow yihiin.

24. Cuna oo cabba idinkoo faraxsan, waa waxaad horay u falateen maalmihii tegaye.

25. Kanse laga siiyo kitaabkiisa gacantiisa bidix, wuxuu odhan: Alla haddaan marnaba la I siiyeen kitaabkeyga.

26.Oo aan ogaadeen, waxay xisaabteydu tahay?

27. Alla hadday taa (dhamishadu) ahaan laheyd dhammaadkeyga.

28. Maalkeygii waxba iima tarin.

29. Awooddeydii waa iga baabba’een.

30. (Waxaa la odhan): Qabta oo xidha.

31. Markaas geliya dabka ololka badan.

32. Markaas ku xirxira silsilad ballaceedu yahay toddobaatan dhudhumood.

33. Ma uu rumeysneyn Allaah, Sarreeyaha Weyn.

34. Mana dhiirra gelin jirin quudinta miskiinka.

35. Sidaa awgeed kuma laha halkan maanta wax saaxiib run ah.

36. ama wax cunno ah milil iyo malax ma’ahee.

37. Aanay cidi cunin geflowyada maahee.

38. Mayee, waxaan ku dhaartay waxaad aragtaan.

39. Iyo wax aydaan aragba,

40. Kani hubaal waa hadal (Alle) uu keenay Rasuul sharaf leh (Nabi Muxammad s.c.w.)

41. Ma aha hadal gabyaa, yaraa intaad rumeysaan.

42. ama hadal curraafle, yaraa intaad waantowdaan.

43. Waa Waxyi ka soo degay xagga Rabbiga uumanka (Allaah).

44. Hadduu (Nabi Muxammad) naga been sheegi lahaa;

45. Waxaan ku qaban laheyn gacanta Midig.

46. Oo waxaan goyn laheyn halbowlaha.

47. Ma jiro qof idinka mid ahi oo naga celin lahaa.

48. (Qur'aanku) waa u waano kuwa ka dhowrsada xumaha ee Alle u hoggaansan.

49. Waan ognahay dhabtii inay idinka mid yihiin kuwa beeniya (Xaqa).

50. (Qur’aanku) hubaal waa qoomamada gaalada (Maalinta Qiyaame).

51. Waana xaq dhab ah oo la hubo.

52. Ee ku tasbiixso, oo huf Magaca Rabbigaa, Weynaha, Sharafta Badan [4].