1. Markay dhacdada weyni dhacdo [1].

2. Ma jiro dhiciddeeda wax beenin.

3. Hoos u dhigeysa (ehlu Naarka) kor u qaadeysa 'ehlu Jannaha' [2].

4. Marka la gilgilo dhulka gilgilid daran.

5. Buuraha la ridqo ridqin daran.

6. Oo ay noqoto sida boor firdhisan.

7. Oo aad ahaataan (dadow) saddex nooc.

8. Kuwa ah Gacanta Midig, waayo kuwa ah Gacanta Midig?

9. Kuwase ah Gacanta Bidix, waayo kuwa ah Gacanta Bidix?

10. Kuwa u hor mara (Iimaanka iyo falashada camallada wanaagsan) iyagaa horreyn [3].

11. Waa kuwa loo soo dhoweyn (Ilaahay).

12. Waxay Ku sugnaan Beero barwaaqo ah gudahood (jannooyin).

13. (Ay geli) jameeco badan oo ah horraankii (ummadan iyo ummadaha kaleba).

14.Iyo in yar oo ka mid ah facyadii dambe [4].

15. Iyagoo ku sugnaan sariiro dahab lagu qurxiyey.

16. Ku dangiigsan korkeeda, si fool ka fool ah.

17. Waxaa u adeegi wiilal waaraya aanay da’ doorin, kuwaa oo kula wareegi doona,

18. Koobab iyo kirliyo iyo galaasyo (khamri saafi ah) xagga il socota (Jannada).

19. Aanu marnaba madaxu ku wareerin kuna maan guurin.

20. Iyo midho waxay doortaan ah.

21. Iyo hilib shimbiro kay rabaanba.

22. Oo (ay u wehelin doonaan) xuurul cayn.

23. La moodo luul la dhowray.

24. Waa abaalgud waxay camalsan fali jireen.

25. Kuma maqlaan (Jannada) hadal macno darro ah iyo denbi midna.

26. Waxaan ahayn odhaahda nabad nabad.

27. Kuwa ah Gacanta Midig, waayo kuwaa ah Gacanta Midig (ehlu Jannaha)?

28. (Waxay dhex ahaan) geedo gob aan qodax lahayn.

29. Iyo geedo Muus ah midho karooran.

30. Iyo har fidsan,

31. Iyo biyo u socda joogto,

32. Iyo midho tiro badan.

33. Marnaba aan go’eyn, la isuna diideyn.

34. iyo joodariyaal sare loo qaaday (oo sariiro saaran).

35. Waxaan Annaga (Alle ah) ka yeeli inay soo baxaan iyaga (haweenka Jannada) soo bixid gaar ah.

36. Kana dhigi bikrooyin ugub ah.

37. Gacalooyin (jecel nimankooda), isku wada da’ ah.

38. Oo ay leeyihiin kuwa ah Gacanta Midig.

39. Kuwo badan oo ka mid ah waa facyadii hore.

40. Kuwo badan oo ka mid ahna facyada dambe.

41.Kuwase ah Gacanta Bidix- waayo kuwaa ah Gacanta Bidix (ehlu Naarka)?

42. Waxay dhex ahaan hanfi kulul iyo biyo karkaraya.

43. Iyo hoos qiiq badan.

44. Aan laheyn qabow iyo arag fiican midna.

45. Waxay ahaayeen taa horteed (adduunka) kuwo ku raaxeysta (xaaraan).

46. Oo waxay ku adkeysan jireen Denbiga weyn (shirkiga).

47. Waxay odhan jireen: Ma markaan dhimanno oo noqonno carro iyo lafo, miyaa nala soo nooleyn (dhimashada kaddib)?.

48. Sidoo kale miyaa aabbayaashayadii hore (la soo nooleyn)?

49. Dheh, kuwii hore iyo kuwa dambaba.

50. Waxaa hubaal loo soo kulmin wada jir madal Maalin la yaqaan (Qiyaamada).

51. Markaas idinka kuwiinan habowsana- yaasha ahow, ee beeniyow (Qiyaamaha).

52. Waxaad wax ka cuneysaan geed xun oo Zaqquum ah [5].

53. Oo ka buuxineysaan caloolihiinna.

54. Waxaad ku dul cabbeyssan biyo kulul oo karkaraya.

55. U cabbeysaan sida cabbidda geel asqoobay.

56. Kaasi waa waxa lagu soori (gaalada) Maalinta Abaal marinta (Qiyaamaha).

57. Annagaa (Alle ah) idin abuurnay, ee maxaad la rumeyn weydeen?

58. Ma u fiirsateen minada idinka timaadda (biyo bixiinna - shawada)?

59. Ma idinkaa abuura mise waa Annaga (Alle ah) Abuurayaasha?

60. Annagaa idiin qaddarnay dhimashada dhexdiinna, mana jiro qof naga baxsan kara.

61. Inaan idinku beddelno kuwa idinla mid ah oo aan idiin soo saarno (qaabab iyo suurado) aydaan garaneyn.

62. Waadna og tihiin abuuriddii hore, ee miyeydaan waantoobeyn?

63. Ma u fiirsateen waxaad beertaan?;

64. Ma idinkaa soo bixiya, mise waa Annaga (Alle ah) Kuwa soo Bixiya?

65. Haddaan Doonno,waxaan ka dhigeynaa xaabo engagan, markaasaad ka xumaan.

66. (idinkoo leh): Waa nala khasaariyey.

67. Balse waa nala hoojiyey.

68. Ma u fiirsateen biyahaad cabtaan?

69. Ma idinkaa kuwa ka soo dejiya daruura- ha, mise Annaga weeye kuwa soo dejiya?

70.Haddaan doonno, Waxaan ka dhigeynaa jaan dhanaan oo milix ah (aan la dhami karin), ee maad ku shukridaan (Alle)?

71. Ma u fiirsateen dabka aad madagta ka shiddaan.

72. Ma idinkaa kuwa u soo saara geedaha, mise Annaga (Alle ah) weeye soo saarayaasha?

73. Annaga (Alle ah) baa waxaynu ka dhignay xusuus; iyo waxay ku intifaacaan kuwa ku safra saxraha 'iyo qeyrkoodba' [6].

74. Ee xurmee oo ku tasbiixso Magaca Rabbigaa, Weynaha, Sharafta Badan.

75. Mayee, waxaan ku dhaartay halkay xiddiguhu ku dhacaan.

76. Xaqiiqna waa dhaar weyn, haddaad ogaan lahaydeen.

77. Hubaal kani waa Qur'aan Sharaf Badan.

78. Ku yaal Kitaab aad la dhowray (Looxa Maxfuudka).

79. Cidna taaban kuwa la daahiriyey mooyee (malaa’igta).

80. Waa soo dejinta Rabbiga uumanka.

81. Ma warkan (Qur’aanka) baad (gaaloy) u qaadataan wax fudud aan qiimo lahayn?

82. oo aad ka yeeleysaan (mahaddii) risiqiinna beenin (Xaqa).

83. Maxaydaan markay (naftu) dhuunta gaadho.

84. Idinkuna markaas aad u jeeddaan (qofka dhiman).

85. Annaguna (Alle ah Ogaal iyo Awood ahaan iyo malaa’igtayada) idiinka dhownahay, laakiinse aydaan arkayn.

86. Haddaad tihiin kuwo aan la soo bixineyn oo la xisaabineyn (Aakhirada).

87. Maxaad Ugu soo celin (weydeen) nafta (jirkeedii) haddaad run sheegeysaan?

88. Hadduu ka mid yahay kuwa loo soo dhoweeyo (Allaah).

89. Waxaa u ahaaday raaxo, reynreyn, reexaan udgoon iyo Janno barwaaqo ah.

90. Hadduu ka mid yahayse kuwa ah gacanta midig (ehlu Jannada).

91. Nabad baa idiin sugnaatay kuwa ahow gacanta midig.

92. Haddiise uu ka mid yahay (Xaq) beeniyayaasha, habowsanaaysaha ah.

93. Waxaa lagu sooryeen biyo kulul oo karaya.

94. Iyo ku gubasho Dabka aan dameyn ee ololka badan (Naarta).

95. Arrinkani waa run la hubo oo xaqiiq ah.

96. Ee xurmee oo huf Magaca Rabbigaa, Weynaha, Sharafta Badan.